Յուրաքանչյուր մարդ ունի դոմինանտ աչք, որն ունի ավելի լայն տեսադաշտ: Աշխարհում մարդկանց 80%-ի դոմինանտ աչքը համարվում է աջը:

Դոմինանտ աչքը որոշելու համար կատարեք հետևյալ քայլերը

• Ձեռքերը միացրեք այնպես, որ ձևավորվի եռանկյուն:
• Ընտրեք մեկ մետր հեռավորության վրա գտնվող օբյեկտ և նայեք նրան այդ եռանկյունու միջով:
• Փակեք աջ աչքը, ապա՝ ձախը:
• Դոմինանտ աչքը կտեսնի առարկան ամբողջությամբ, հստակ, մինչդեռ մյուս աչքը կտեսնի միայն առարկայի մի մասը:

Ականջդ բեր ասեմ։

• Ուշադրություն դարձրե՞լ եք, թե որ ականջին եք մոտեցնում հեռախոսը խոսելիս։
• Գիտեիք, որ այդ ականջը  դոմինանտ ականջն է:

Ինչո՞ւ է երեխան նախընտրում աշխատել ձախ ձեռքով:

• Ուղեղի ձախ կիսագունդը պատասխանատու է աջ ձեռքի աշխատանքի համար, որը ծառայում է որպես վերլուծական կենտրոն, ինչպես նաև ղեկավարում է գրելու և կարդալու գործընթացները։ Աջ կիսագունդը «ստեղծագործական կենտրոն» է, ինտուիցիայի և ամբողջական ընկալման կենտրոն: Կիսագնդերը կառավարում են մարմնի վերջույթները խաչաձև՝ երբ երեխան գործում է ձախ ձեռքով, հրամաններ է տալիս աջ կիսագունդը։

Որպեսզի հետևեք կույր բծին, փակեք աջ աչքը և ձախով նայեք շրջանակում գտնվող խաչին։ Հայացքը չկտրելով աջ խաչից, դեմքը մոտեցրեք (կամ հեռացրեք) մոնիտորից և միաժամանակ հետևեք ձախ խաչին։ Որոշակի պահի (դեմքը մոնիտորից որոշակի հեռավորությամբ) այն կորչում է։ Նմանատիպ փորձ կարելի է անցկացնել նաև աջ աչքի հետ։