Կենսաբանություն 9-րդ դասարան
Առաջադրանք
Լրացրե՛ք «Բջջի կառուցվածքին» վերաբերող առաջադրանքները, որոնք նպաստում են գիտելիքի ամրապնդմանը, կարողությունների և հմտությունների զարգացմանը:
1․ Որո՞նք են նախակորիզավորներ.
- A. բակտերիաները և արքեյները
- B. ջրիմուռները և մամուռները
- C. նախակենդանիները և սնկերը
- D. քեմոսինթեզող բակտերիաները և վիրուսները
2․ Նկարում պատկերված է բջիջ: Տետրում նկարե՛ք բջիջը և լրացրե՛ք՝ ցույց տալով բջջաթաղանթը, բջջակորիզը, միտոքոնդրիումը, բջջակմախքը, հարթ էնդոպլազմային ցանցը և ռիբոսոմները:
- A) Գրե՛ք սա կենդանակա՞ն, թե՞ բուսական բջիջ է: Հիմնավորե՛ք ձեր պատասխանը
- B) Շրջանագծի մեջ վերցրեք այն օրգանոիդը, որը պատասխանատու է ջրի և այլ նյութերի պաշարման համար:
- C) Հիմնավորե՛ք, թե պատկերված բջջին ինչո՞ւ է անհրաժեշտ հարթ էնդոպլազմային ցանցը:
- D) Բակտերիաները և պատկերված բջիջն ունեն նմանություններ և տարբերություններ: Նշե՛ք երկու նմանություն և երկու տարբերություն:
3․ Երկու գիտնական վիճում են բջջակորիզի կարևորության մասին։ Առաջինը պնդում է, որ առանց կորիզի բջիջը չի կարող գոյատևել, իսկ երկրորդը կարծում է, որ որոշ բջիջներ կարող են գոյատևել նույնիսկ կորիզի բացակայության դեպքում։
Գնահատի՛ր երկու կարծիքները՝ ներկայացնելով փաստարկներ՝ հիմնվելով կորիզի կառուցվածքի և գործառույթի վրա։
Բջջի կառուցվածքի մոդելավորում
Նպատակ
Ստեղծել բուսական կամ կենդանական բջջի եռաչափ մոդել՝ ցուցադրելով դրա հիմնական կառուցվածքները և բացատրելով դրանց գործառույթը։
Առաջադրանք
Դուք կենսաբան եք, ով աշխատում է գիտաժողովի ցուցադրության համար։ Ձեր առաջադրանքն է ստեղծել բուսական կամ կենդանական բջջի մի պարզ, տեսողական և ուսուցողական մոդել, որը ցույց կտա բջջի հիմնական կառուցվածքները և կբացատրի դրանց գործառույթները:
Առաջադրանքի քայլեր
- Ընտրե՛ք բջջի տեսակը՝ բուսական կամ կենդանական։
- Նախագծե՛ք մոդելը՝ նյութերի ցուցակով (կարող են լինել՝ պլաստիլին, ստվարաթուղթ, պլաստիկ շշեր, գնդիկներ, ժապավեններ և այլն)։
- Կառուցե՛ք մոդելը՝ ներառելով առնվազն հետևյալ բաղադրիչները.
— Բջջաթաղանթ
— Բջջապատ (միայն բուսական բջջի համար)
— Կորիզ
— Ցիտոպլազմ
— Միտոքոնդրիում
— Ռիբոսոմ
— Էնդոպլազմային ցանց
— Գոլջիի համալիր
— Քլորոպլաստ (միայն բուսական բջջի համար)
— Վակուոլ
- Պիտակավորե՛ք (մակնշեք) կառուցվածքները (թղթիկներով կամ կպչուն պիտակներով)։
- Ներկայացրե՛ք մոդելը դասի ժամանակ կամ գրավոր՝ բացատրելով, թե ինչպես է յուրաքանչյուր բաղադրիչ նպաստում բջջի կենսագործունեությանը։
